Казан зооботаника бакчасында гуанако баласы дөньяга килгән
Хәзерге вакытта ул әти-әнисе (Лунтик һәм Луча) белән ачык вольерда яши.
Әлегә аның исеме юк. Зооботаника бакчасында 26 июльгә кадәр иң үзенчәлекле һәм матур исемгә конкурс игълан иттеләр.
Гаилә традициясе буенча, аның исеме «Л» хәрефеннән башланырга тиеш.
Гуанако – дөяләр гаиләсенең кыргый вәкилләре һәм лама белән альпаканың иң якын туганнары. Табигатьтә алар Көньяк Америкада Анд тауларының биек таулы районнарында тереклек итә.
